Ræktun 

• Leggja dalíu-hnýðið í bleyti í volgu vatni í 2 tíma (alls ekki heitu).

• Liljulaukar vilja ekki liggja í bleyti og þá má því setja beint í grófa mold.

• Hálffylla pott með grófri mold, setja vikur eða sand ofan á moldina og leggja hnýðið eða laukinn í. Fyrir lilju-laukana er gott að hafa nóg af vikri/sandi. Setja mold yfir, ekki þétta ofan á. 

• Láta pottinn standa á sólríkum stað, á diski og setja vatn á diskinn til að leyfa hnýðinu/laukinum að draga til sín vatnið. 

• Vökva aðra hverja viku með áburði, en hætta því svo í lok ágúst. 

• Hægt er að hafa dalíurnar og liljur í potti inni eða úti, eða flytja þær í beð utandyra.

• Ef á að flytja blómin út er mikilvægt að seinasta næturfrostið sé búið, það sé farið að hlýna úti og venja þarf plöntuna smám saman við kaldara loft, til að herða hana. 

  • Byrja á að færa pottinn á aðeins kaldari stað í 2-3 daga, samt ekki kaldara en 15°C.

  • Síðan færa pottinn á enn kaldari stað í aðra 2-3 daga, ekki kaldari en 12°C. 

  • Að lokum er hægt að setja plönturnar út á svalir eða í beð.

  • Dalíur og liljur þurfa mikla sól og að vera á skjólgóðum stað

Við settum blómin okkar út í júní eftir síðasta frost og þær blómstruðu stöðugt fram á haust.